Biz haqimizda
Qisqacha biz haqimizda
Vosiq xalqaro maktabi va bog'chasi — istiqbolli kelajak sari birinchi qadam.
Vosiq xalqaro maktabi va bog'chasi — O'zbekiston Respublikasidagi nodavlat ta'lim muassasasi. Tashkilotimizning maqsadi o'quvchilarning qiziqishlari, ijodiy salohiyati va individual qobiliyatlarini inobatga olgan holda shaxsning har tomonlama rivojlanishini, muloqot qobiliyatlarini, tahliliy va mantiqiy fikrlashni hamda jismoniy tarbiyani ta'minlashdan iborat.
Maktabda xalqaro darajadagi yuqori malakali mutaxassislar ishlaydi. Professor-o'qituvchilar xalqaro malaka oshirish kurslarida o'z saviyasini muntazam oshirib boradi va xalqaro maydonda samarasini isbotlagan yangi pedagogik dasturlar, taktika hamda o'qitish uslublarini o'zlashtiradi.
Maktab navqiron avlodning jismoniy kamolotiga alohida e'tibor qaratadi. Majmuada o'quvchilar taekvondo, ushu, yunon-rum kurashi va suzish bo'yicha o'zlarini sinab ko'rish imkoniga ega. Turli yosh toifalari uchun ikkita yopiq basseyn mavjud bo'lib, ular zamonaviy isitish va suv filtrlash tizimi bilan jihozlangan.
Missiya
Maktab missiyasi
Vosiq xalqaro maktabi va bog'chasi har bir bolaning individual xususiyatlari, moyilliklari va qobiliyatlarini hisobga olgan holda, tadqiqot orqali samarali va sifatli ta'lim berishni maqsad qilgan.
Biz o'quvchilarda olgan bilimlarini qo'llash va mulohaza yuritish orqali dunyoni yaxshilashga intilish — umr bo'yi o'rganish istagini shakllantiramiz.
Falsafa
Maktab falsafasi
Vosiq xalqaro maktabi bolalar — kelajak va ularning barchasi sifatli ta'lim olishga teng huquq va imkoniyatga ega bo'lishi kerak, degan e'tiqod asosida tashkil etilgan. Maktab ko'p madaniyatlilikni, o'zimiznikidan farq qiladigan g'oya va qarashlarga hurmatni hamda boshqalar haqida muvozanatli fikrga ega bo'lishni qadrlaydi. Asosiy maqsad — dunyoqarashi keng, xalqaro fikrlaydigan shaxslarni tarbiyalash.
Akademik muvaffaqiyat maktab uchun ustuvor, ammo ta'lim to'liq bo'lishi uchun o'quvchilar ijtimoiy qadriyatlarni ham o'zlashtirishi kerak. Eng yaxshi natija beradigan mazmunli ta'limga ta'lim muhiti ijobiy, do'stona va xavfsiz bo'lgandagina erishiladi. O'qituvchilarimizning sabr va adolat bilan yondashuvi o'quvchilarda tanqidiy fikrlashni shakllantiradi.
Biz o'quvchilar o'z ta'limi, xatti-harakati va tanlovi uchun mas'ul ekaniga ishonamiz va ularning mustaqilligi rivojlanishi uchun sharoit yaratamiz. O'quvchilarni ongli qarorlar qabul qilishga yo'naltirish, ularda o'ziga ishonchni uyg'otish va ijtimoiy maqbul xulq-atvorni shakllantirish maktabning mas'uliyatidir. Ota-onalarning ko'magi esa bu jarayonning muhim tayanchi.
Maktabda nimalar bor
Xalqaro darajadagi pedagoglar
Mahalliy va xorijlik o'qituvchilar individual yondashuv asosida ishlaydi va malakasini xalqaro kurslarda oshirib boradi.
Sport va suzish
Taekvondo, ushu, yunon-rum kurashi va suzish. Turli yosh toifalari uchun ikkita yopiq basseyn.
Tibbiy nazorat
Shtatdagi pediatr, hamshira va psixolog o'quv kuni davomida bolalar salomatligini kuzatib boradi.
Qayerda o'qishni hali hal qilmadingizmi?
Maktab tanlash — farzandingiz hayotidagi muhim qadam. Biz maktabimiz haqida barcha ma'lumotni beramiz: qo'ng'iroq qiling yoki raqamingizni qoldiring, o'zimiz bog'lanamiz.
Biz bilan bog'laning